Дзяржынскі гарадскі Дом культуры — вядучая ўстанова ў сферы культуры Мінскай вобласці
Пабудаваны ў 1961 годзе, Дзяржынскі ГДК стаў адным з асноўных месцаў адпачынку і цэнтрам правядзення вольнага часу для жыхароў горада і раёна.
На працягу апошніх гадоў, дзякуючы падтрымцы Дзяржынскага райвыканкама, створана добрая матэрыяльна-тэхнічная база, што дае магчымасць праводзіць мерапрыемствы раённага, абласнога і Рэспубліканскага значэння на высокім прафесійным узроўні.
Адметнай рысай матэрыяльна-тэхнічнай базы ГДК з’яўляецца наяўнасць апаратна-студыйнага комплексу (лічбавае кіраванне святлом і гукам). Упершыню ў вобласці на ўласнай студыі гуказапісу Дома культуры быў выпушчаны кампакт-дыск “Мелодыі Крутагор’я”.
У сваёй дзейнасці Дзяржынскі ГДК арыентуецца на формы і метады работы з рознаўзроставымі катэгорыямі насельніцтва: дзецьмі, падлеткамі, моладдзю, дарослымі і пажылымі людзьмі.
На працягу многіх гадоў Дзяржынскі гарадскі Дом культуры займае лідзіруючыя месцы ў абласным аглядзе-конкурсе сярод творчых калектываў устаноў культуры вобласці.
Статут ДУ “Дзяржынскі гарадскі Дом культуры”
Наша партфоліё