Кіраўнік - Дасько Дзмітрый Валер'евіч
Год стварэння – 1990
Год прысваення звання – 1999

«Жизнь в театре — всего лишь один сезон, а сезон —это целая жизнь». І гэта так. Вось ужо 30 год тэатр “Маяк” дорыць сваім гледачам хвалюючыя моманты заварожваючага мастацтва, кожны сезон розныя. Але жыццё артыстаў тэатра заўжды разнастайнае і натхнёнае: пастаноўкі навагодніх спектаклей для дзяцей, тэатралізаваныя гульнёвыя  прадстаўленні, забаўляльна-тэатралізаваныя праграмы, творчыя нумары для канцэртных праграм, удзел у мерапрыемствах і праграмах Дома культуры, гульнёвыя квізы на раённых святах.

Адна з галоўных падзей “узорнага”  тэатра-студыі “Маяк” быў удзел у XII абласным фестывалі дзіцячай тэатральнай творчасці “Чароўны куфэрак”, адкуль яны прывезлі  дыплом за спробу творчага эксперымента  і дыплом у намінацыі “Эксцентричный вор Вселенной”, якім узнагароджаны ўдзельнік калектыва Дзмітрый Шылкоў. А так сама дыпломам лаўрэата 3 ступені  быў адзначаны ўдзел у IV Міжнародным фестывалі-конкурсе «Новые Вершины» артысткі калектыва Кліценік Ілоны.

Сапраўды, апладысменты, поспех, прызнанне, дымломы –гэта вынік руплівай працы рэжысёра і ўдзельнікаў калектыва, касцюмера і мастака-афарміцеля, света- і відэа- рэжысёраў. Гэта штодзённая работа над акцёрскім майстэрствам, сцэнічнай пластыкай, пераўвасабленнем, імправізацыяй, пастаноўкай гаворкі… Гэта бясконцая праца над павышэннем выканаўчага і акцёрскага  майстэрства, над разнажанравасцю рэпертуара, над  індывідуальнасцю кожнага ўдзельніка. Гэта амаль 20 удзельнікаў (асноўны састаў тэатра, падрыхтоўчыя группы “Маячок” і “ШкАМ” (старэйшая группа). І гэты творчы працэс не спыняецца, не гледзячы на тое, што кіраўнікі тэатра змяняліся. Бо, тэатр “Маяк” – гэта творчыя сябры, якім пад сілу любая імпрэза, якія ляцяць на крылах сваёй апантаннасці, здольнасцей, творчасці  і таленту да новых вышынь. І падцвярджэнне гэтаму — новыя пастаноўкі з асваеннем сучасных і інавацыйных форм, акцёрскія імправізацыі,  паездкі на тэатральныя фестывалі. Безумоўна, гэта ўсё садзейнічае развіццю тэатральнага мастацтва ў горадзе  і будзе запатрабавана гледачамі.