Кіраўнік: Хрыстафорава Наталля Анатольеўна
Год стварэння – 1998
Год прысваення звання – 2010

Больш за 20 год шпарка, творча і заўзята студыя “Задоринка” крочыць па жыцці. Сёння калектыў, а гэта амаль 60 удзельнікаў ва ўзросце ад 4 да 13 год. Кіраўнік студыі Наталля Анатольеўна Хрыстафорава прафесійна развівае вакальныя здольнасці дзяцей і падлеткаў, рэалізоўвае творчы  патэнцыял кожнага, працуе над папулярызацыяй сучасных і традыцыйных тэндэнцый развіцця дзіцячага эстраднага вакальнага жанра.

Рэпертуар калектыва цікавы і вельмі разнастайны, можа таму кожнае выступленне студыі эстраднай песні “Задоринка” — гэта яскравае і маляўнічае пастановачнае канцэртнае відовішча, якому спрыяюць і  яркія сцэнічныя касцюмы, і сучасныя света і гука- тэхнічныя сродкі,  якімі валодае Дзяржынскі гарадскі  Дом культуры.

Асабісты подбор рэпертуару, высокае выканаўчае майстэрства, цікавыя пастаноўкі канцэртных нумароў спрыяюць запатрабаванасці калектыву не толькі на сцэнічных пляцоўках горада і раёна, але і на святах, акцыях, мерапрыемствах, конкурсах, фестывалях абласнога і рэспубліканскага ўзроўню.

Юным  артыстам “Задоринки”  і яе кіраўніку  ёсць чым ганарыцца. Перамогі на конкурсах і фестывалях, удзел у мерапрыемствах, акцыях, канцэртах узроўня вобласці і рэспублікі.

Калектыў і яго салісты з’яўляюцца дыпламантамі Міжнароднага дзіцячага фестываля “Солнце. Радость. Красота” (Балгарыя),  Міжнароднага фестываля мастацтваў “Gomel Fest”, міжнароднага фестываля-конкурса творчасці «Millennium», міжнароднага фестываля мастацтваў «Молодечно cityArt», міжнароднага тэлепраэкта “Кубок Дружбы”, адкрытага фестываля-конкурса юных выканаўцаў эстраднай песні “MusicBOARD”.   

Вось з такімі поспехамі студыя сустрэла свой 20-ці гадовы юбілей, які адсвяткавала яскравым канцэртам “Зажигаем звёзды”, дзе ўдзельнікі студыі  прадэманстравалі свой разнапланавы рэпертуар, здольнасці,  прафесійны рост, запалілі ў цэрцах гледачоў і паклонікаў агеньчык радасці, дабрыні і творчасці.

Наперадзе ў студыі шмат творчых задумак і планаў, якія абавязкова здзейсняць таленавітыя “Задоринки”, бо крочаць яны па жыці “З музыкай у сэрцы”.