Кіраўнік– Клімовіч Таццяна Рыгораўна
Год стварэння – 1989
Год прысваення звання– 2006

 “ЧК” – аматарскае аб’яднанне, якое налічвае на сённяшні дзень больш 20 чалавек рознага ўзросту. Кіруе клубам інтэлектуальных гульняў Таццяна Рыгораўна Клімовіч. Каманды клуба пастаянна ўдзельнічаюць і перамагаюць  розных турнірах, кубках, фестывалях, чэмпіянатах. Дзейнасць аматарскага аб’яднання грунтуецца на цікаўнасці яго ўдзельнікаў і штодзённых пошуках новага. Захаваўшы свой асноўны састаў каманды, клуб, тым не менш, пастаянна папаўняецца новымі знаўцамі. Клуб “ЧК” і яго каманды заўзятыя фаварыты адкрытага турніра  «Кубок Волока и Висека» і кубка па інтэлектуальных гульнях  каманд раённых  цэнтраў і малых гарадоў /г. Ваўкавыск/, Міжнароднага  фестываля па інтэлектуальным  гульням «Игуменская завея» /г. Чэрвень/ і Чэмпіянату Мінскай вобласці сярод дарослых, рэспубліканскага  чэмпіянату по інтэлектуальных гульнях сярод школьнікаў. Каманда знаўцаў “ЧК”  мае сертыфікат Беларускай Лігі інтэлектуальных каманд як фіналіст Чэмпіянату РБ па інтэлектуальных гульнях сярод ювеналаў «БусЛІК» 2018 года. Гонарам клуба з’яўляюцца  прэміі «Буслянка» Беларускай Лігі інтэлектуальных каманд  у намінацыі «Лепшы рэгіянальны клуб Беларусі» і кубак “Лепшаму клубу” Чэмпіяната Мінскай вобласці. Добрай традыцыяй і гонарам клуба “ЧК” з’яўляецца правядзенне ў Дзяржынску кругласутачнага міжнароднага 24-хгадзіннага інтэлектуальнага марафона па гульні «Что? Где? Когда?» на які прыязджаюць больш за 30 каманд і не толькі в Беларусі. Рэгулярна, ўжо больш за 5 год запар, клубам праводзіцца чэмпіянат Дзяржынскага раёна па інтэлектуальных гульнях сярод устаноў і прадпрыемстваў, у якім удзельнічаюць каманды горада і раёна. Дзякуючы гэтаму значна павялічылася колькасць інтэлектуальных каманд у раёне, а самыя актыўныя ўдзельнікі каманд з’яўляюцца членамі клуба “ЧК”. Значныя перамі былі ў Ганны Клімовіч, якая стала пераможцам гульні ў забаўляльна-інтэлектуальным шоу  “На вылет!” /тэлевізійны праект БТ/ і прадстаўнікоў клуба ў тэлегульні “Башня”.

У 2019 годзе клуб “ЧК” адзначыў свой 30-гадовы юбілей экслюзіўнай гульнёй  з удзелам каманды ветэраноў інтэлектуальнага руху горада. “Народны” клуб інтэлектуальных гульняў “ЧК” пашырае колькасць  прыхільнікаў інтэлектуальных гульняў, развівае формы работы з насельніцтвам Дзяржынска і раёна. З набыццём брэйн-сістэмы і новага абсталявання пашырыліся магчымасці правядзення трэніровак і турніраў клуба на базе ГДК. Папулярнасць набыло  правядзенне гульняў “Open-air” на масавых святах горада. І як вынік дзейнасці клуба ў 2020 годзе ён атрымаў спецыяльную прэмію Мінскага аблвыканкама ў намінацыі “Аматарскія аб’яднанні і клубы па інтарэсах”.