Кіраўнік – Шпакевіч Галіна Фёдараўна

Год стварэння– 1989
Год прысваення звання – 1994

Ансамбль «Карагод» пад кіраўніцтвам Галіны Фёдараўны Шпакевіч аб’ядноўвае трынаццаць жанчын розных прафесій і ўзростаў. Сярод іх – рабочыя, служачыя, прадпрымальнікі, дамашнія гаспадыні,  якіх яднае народная музыка і песня. Ва ўсіх – цікавыя захапленні, якія дапамагаюць ствараць арыгінальную і разнастайную музычную палітру. А ў кожным голасе абчуваецца тэмбр, ўласцівы характару ўдзельніц.

На выбар рэпертуару падзейнічаў асабісты характар саміх удзельніц. Таму аснова яго – вясёлыя, жартоўныя, танцавальныя песні, якія абавязкова суправаджаюцца харэаграфічным малюнкам і танцавальнымі рухамі. Шмат песен гучыць у сучаснай апрацоўцы, што патрабце гарадскі лад жыцця. Палова жанчын з’яўляюцца салісткамі, што надае асабісты характар кожнай асобна ўзятай песні.

Ансамбль вельмі часта выступае на пляцоўках горада і раёна і ўжо даўно мае свайго гледача.  Таму  іх з задавальненнем запрашаюць з канцэртнымі праграмамі на розныя мерапрыемствы  вобласці. Ансамбль народнай песні “Карагод” заўзяты ўдзельнік абласных свят “Дажынкі”, “Мінская лыжня”, фестываля музыкі і паэзіі ў г. Маладзечна. Яго вясёлыя, пазітыўныя песні прыходзяцца даспадобы як землякам, так і замежным слухачам. Бо добразычлівая, сяброўская  энэргетыка, якая ідзе ад артыстаў “Карагода” кранае сэрцы і душы.

Кіраўнік ансамбля Галіна Фёдараўна вельмі творчы і таленавіты чалавек, таму ўсе нумары калектыва  аформлены харэаграфічна, а у рэпертыары ёсць песні, словы якіх напісала сама кіраўнік.

Удзельнікі “Карагода” пастаянна працуюць над павышэннем выканаўчага майстэрстава. У калектыве заўжды пануе асаблівая цёплая атмасфера, таму гэта прыкмячаюць і гледачы, якія ўзнёслымі апладысментамі вітаюць  ансамбль на выступленнях.