Кіраўнік – Клімакоў Віталь Уладзіміравіч

Год стварэння– 1987
Год прысваення звання народны – 1992
Год прысваення звання Заслужаны аматарскі – 2016

Ансамбль народнай музыкі “Спадчына” пад кіраўніцтвам Віталя Уладзіміравіча Клімакова ўжо трыдцать пяць год творча і стабільна працуе ў Дзяржынскім гарадскім Доме культуры.

Гэта адзін са старэйшых калектываў, які бярэ свае вытокі з фальклорнай групы знакамітага “народнага” цымбальнага аркестра пад кіраўніцтвам І.А. Грамыка. Ансамбль (а тады гэта была фальклорная группа) быў створаны ў 1986 годзе з мэтай адраджэння народнай музыкі і песні. Першыя крокі калектыў пачынаў са знакамітымі музыкамі    Уладзімірам Пузыняй, Васілём Купрыяненка, Аляксандрам Рашчынскім, Васілём Шчэрба і Анатолям Кашталапавым.

У 1992 годзе ансамбль атрымаў найменне “народны аматарскі калектыў”, а ў 2016 годзе быў удастоены ганаровага наймення “Заслужаны аматарскі калектыў Рэспублікі Беларусь”.

Ансамбль “Спадчына” аб’ядноўвае таленавітых музыкантаў і спевакоў, большая частка якіх прафесіяналы з музычнай адукацыяй.  Усе яны маюць высокі ўзровень выканальніцкага майстэрства.

Фальклор, народная і танцавальная музыка, папулярныя песні беларускіх аўтараў, а таксама інструментальныя п’есы, аранжыраваныя кіраўніком і канцэртмайстарам ў адпаведнасці з нацыянальнымі культурнымі традыцыямі, складаюць аснову рэпертуара калектыва.

А дзякуючы супрацоўніцтву з кампазітарамі Аляксандрам Балотнікам і Сяргеем Ціханавым у рэпертуары калектыву з’явіліся цікавыя творы. Усё гэта і ёсць музычная спадчына ансамбля, якая надае яму  непаўторнасць і вельмі падабаецца сучаснаму гледачу.

Ансамбль народнай музыкі “Спадчына” з’яўляецца адным з самых любімых музычных калектываў Дзяржыншчыны. Заўжды працуе без выкарыстання фанаграм, таму вастрабаваны ў шматлікіх канцэртных праграмах, мерапрыемствах і святах. У сольных праграмах “Заслужанага аматарскага калектыву Рэспублікі Беларусь” ансамбля народнай музыкі “Спадчына” заўжды  цікава чаргуюцца інструментальныя і вакальныя нумары, а некаторыя маюць  харэграфічную пастаноўку.

Калектыў апрануты ў эксклюзіўныя сцэнічныя касцюмы, якія надаюць артыстам асаблівае візуальнае ўспрыманне.

“Заслужаны аматарскі калектыў РБ” ансамбль народнай музыкі “Спадчына” заўжды з жаданнем выступае на абласных  сельскагаспадарчых кірмашах, выставах, форумах і пастаянна прымае ўдзел у  абласным фестывале народнай музыкі “Грай, гармонік”.

За апошнія гады ансамбль стаў дыпламантам 3 ступені Міжнароднага Форума фальклорнай музыкі ў г. Масква, дыпламантам у намінацыі “інструментальнае выкананне” Міжнароднага конкурсу “BEST OF THE BEST” (г. Масква) і атрымаў найвышэйшую ўзнагароду конкурсу “Кубак прызнання”. А кіраўнік Віталь Клімакоў і канцэртмайстар Сяргей Чупін былі ўзнагароджаны спецыяльнымі граматамі журы. У 2021 годзе з міжнароднага фестывалю народнай музыкі і песні ”Бараньскія музыкі“ калектыў прыехаў з дыпломам лаурэата  1 ступені ў намінацыі “Аматарскія калектывы мастацкай творчасці”, а кіраўнік Віталь Клімакоў з асабістай узнагародай – дыпломам лаурэата 3 ступені ў намінацыі “індывідуальныя выканаўцы”.

“Заслужаны аматарскі калектыў Рэспублікі Беларусь” ансамбль народнай музыкі “Спадчына” заўжды дастойна і з гонарам прадстаўляе нашу нацыянальную музычную культуру і правлаўляе сваёй творчасцю нашу Дзяржыншчыну.